ప్రేమ పరిమళాలు
- డా. బి.వి.వి. సత్యనారాయణ
కమ్మనైన అమ్మతనం కంటేనే రాదురా
ప్రేమపంచే ప్రతీప్రాణి అమ్మవంటిదేనురా
జాతివైరమ్ము విడిచి ఒక్కటైనారురా
జంతువేదైనా దాగిన ప్రేమను పసిగట్టరా !!
కుక్కల కోతి పిల్లి చూడ చ్చకనైన సావాసం
కలసి మెలసి బ్రతకటము కమ్మనైన అనుభూతి
నోరులేని జీవాలు నేర్పేను పాఠాలు
చూసి నేర్వుము నీవు మంచి గుణపాఠాలు !!
ప్రేమలో దాగి ఉంది పసిడి పరిమళాలు
పంచగానె తెలుస్తుంది దాని పరవశాలు
అనుభవిస్తే అర్ధమౌను దానిలోని ఆనందాలు
ప్రేమకున్న గొప్పదనం ప్రపంచాన కానరాము !!
జంతువులని తేలికగా చులకనగా చూడమాకు
వాటి ఆత్మీయత అనురాగం ఎన్నటికీ మరువబోకు
నేర్చుకునే తత్వాన్ని స్వీకరించి నడుచుకో
జీవితపరమార్ధం వీటినుండి నేర్చుకో
పంచడంలో ఆనందం అనుభవించి తెలుసుకో
ఈ చిత్రాన్ని చూసైనా మానవత్వంతో మసలుకో !!
- డా. బి.వి.వి. సత్యనారాయణ
అమలాపురం
